:: ورق العنب ::
ورق عنب اي ماركة مغسول ومسلوق نص سلقة او يادوب غليتين ع النار
:: الحشوة ::
1_ كاس كبير رز مصري مغسول ومسلوق
بصل مفروم ناعم
1_ طماطم مقطعة قطع صغيرة
كزبرة خضراء مفرومة ناعم
بقدونس مفروم ناعم
نعناع اخضر مفروم ناعم
1_ ملعقة كبيرة سماق
1_ مكعب ماجي
ملح ,,, فلفل أسود
2_ ملعقتين زيت زيتون
1/2 كاس ماء
1/2 كاس زيت زيتون
تسخني ملعقتين الزيت زيتون ع النار وتحطي عليه البصل وتقلبيه الين يذبل البصل
تضيفي الطماطم والماجي والملح والفلفل مع التقليب المستمر حتى تذبل الطماطم وتبدأ تنشف من مويتها
تضيفي الرز المصري المسلوق وتقلبيهم علشان يمتزجو مع بعض وبعدين تضيفي السماق
وتقلبيهم وتضيفي النعناع والكزبرة والبقدونس وتقلبيهم
بعد كذا تحشي الورق عنب بالحشوة وتلفيهم اصابع وترصيهم في صينية مفروشة بشرائح بطاطس رقيقة
بعد كذا تسوي الخلطة اللي تصبيها على ورق العنب في الصينية وهي عبارة عن في خلاط العصير كلاً من ...
:: الصوص ::
1- حبة طماطم صغيرة مقطعة اربع قطع ( او نص حبة طماطم كبيرة )
1- حبة بصل صغيرة مقطعة اربع قطع
1- فص ثوم مفروم او مقطع قطع صغيرة جداً
1- مكعب ماجي مقطع قطع صغيرة
1- ليمونة مقشرة ومقطعة اربع قطع
1- ملعقة شاي ملح الليمون ( اذا تحبي ورق العنب حادق )
كلهم في الخلاط مع نصف كاس موية
وبعد كذا ترشي الصوص على صينية الورق عنب ( مو ضروري كل الكمية )
انا ماعجبني الصوص مرره لانه تبان الطماطم على الورق زي صوره لي لي انا اضطريت اقلبهم علشان مايبانوووو
لكن ممكن تحطي نص كاس ماء دافي + مكعب ماجي + نص كاس ليمون + ربع كاس او نص زيت زيتون
تطلع لذيذه مررره
المهم تحسي انك الصينية اتشبعت بالخليط ومو ضروري ان الطبقة الأخيرة من ورق العنب تكون متغطية بالخليط
وبعد كذا ترشي عليه نصف كوب زيت زيتون
وتغطي الصينية بورق الومنيوم ( قصدير ) وتدخلينها الفرن على نار متوسطة
وتخلينها في الفرن من ساعة ونصف الى ساعتين تقريباً انا اخذ معاي ساعه ونص
انتي بعد ساعة شيلي عنها القصدير وشوفي كيف وضعها اذا حسيتيها مستوية طلعيها
واذا لا اصبري عليها شوي وتابعيها على طول
وهذا تطبيق لي لي
وصحتين والف عافية
الموقع
المزاج
الأحد 9 أغسطس - 16:22
